دنیا بھر میں سپورٹس کار کے شوقین افراد کے لیے پورشے کا نام کسی تعارف کا محتاج نہیں۔ 2026 میں کمپنی نے نئی 911 ٹربو ایس متعارف کرائی ہے، جو کارکردگی اور روزمرہ سہولت دونوں کو ساتھ لے کر آتی ہے۔
ڈیزائن اور اسٹائل
نئی 911 ٹربو ایس کا ڈیزائن پہلے سے زیادہ ایروڈائنامک اور اسٹائلش ہے۔ چوڑا باڈی اس کو مضبوط اور پرکشش بناتا ہے، جبکہ نئے ایئر وینٹس اور رئیر بمپر گاڑی کی اسپورٹی جھلک کو مزید ابھارتے ہیں۔ فرنٹ پر ایل ای ڈی ہیڈلائٹس اور پیچھے ایک خوبصورت ونگ اس کو دوسروں سے الگ دکھاتے ہیں۔
انٹیریئر اور فیچرز
کیبن میں اعلیٰ معیار کے میٹریل اور جدید سہولیات شامل ہیں۔ 18 وے ایڈجسٹ ایبل اسپورٹس سیٹس، ٹچ اسکرین انفوٹینمنٹ، ایڈوانس لائٹنگ سسٹم اور ٹربونائٹ ایکسنٹس ڈرائیور کو ایک پرجوش لیکن آرام دہ ماحول فراہم کرتے ہیں۔ کپل یا کابریولیٹ، دونوں آپشنز میں سیٹوں کی لچک بھی دی گئی ہے۔
انجن اور کارکردگی
اس میں نیا 3.6 لیٹر فلیٹ سکس ٹی-ہائبرڈ انجن شامل کیا گیا ہے، جو 701 ہارس پاور اور 590 پاؤنڈ فٹ ٹارک پیدا کرتا ہے۔ آٹھ اسپیڈ پی ڈی کے گیئر باکس اور آل وہیل ڈرائیو کے ساتھ یہ گاڑی صرف 2.5 سیکنڈ میں 0 سے 100 کلومیٹر فی گھنٹہ کی رفتار پکڑ لیتی ہے۔ زیادہ سے زیادہ رفتار 322 کلومیٹر فی گھنٹہ تک پہنچتی ہے۔
مائلیج
وی ایل ٹی پی کے مطابق اس کا فیول کنزمپشن تقریباً 11.7 لٹر فی 100 کلومیٹر ہے۔ اگرچہ یہ عام فیملی کار کی طرح اکانومی نہیں دیتی، لیکن اس کی کلاس میں یہ متوازن ہے۔
قیمت
امریکہ میں اس کی قیمت 272,650 ڈالر (کوپے) سے شروع ہوتی ہے، جبکہ کابریولیٹ ورژن 286,650 ڈالر میں دستیاب ہوگا۔
